На Бог Господь:
«Скорый в заступлении…». Слава и ныне: «Яко Необоримую Стену…». На сугубой ектении:
Врачу душ и телес, сo умилением в сердце сокрушенном к Тебе припадаем и стеняще вопием Ти: исцели болезни, уврачуй страсти душ и телес рабов Твоих всех по злей человечестей воли во граде нашем невинно пострадавших, и прости им, яко Благосерд, вся прегрешения, вольная и невольная, и скоро воздвигни от одра болезни, молимтися, услыши и помилуй.
Не хотяй смерти грешных, но еже обратитися и живым им быти, пощади и помилуй Милостиве, рабов Твоих всех по злей человечестей воли во граде нашем невинно пострадавших: запрети болезни, остави всю страсть и весь недуг, и простри крепкую Твою руку, и якоже Иаирову дщерь от одра болезни воздвигни, и здравых сотвори, молимтися, услыши и помилуй.
Огненную болезнь Петровой тещи прикосновением Твоим исцеливый, и ныне люте страждущих рабов Твоих всех по злей человечестей воли во граде нашем невинно пострадавших, болезнь благосердием Твоим исцели, здравие им скоро подавая, прилежно молимтися, Источниче цельбам, услыши и помилуй. Еще́ мо́лимся Тебе́ Го́споду Бо́гу на́шему, о е́же уте́шити лю́ди Твоя́ пла́чущия и скорбя́щия, ча́ющия Христо́ва утеше́ния, боле́знующия о уя́звленных и по́гибших сро́дницех их, всели́ти в сердца́ их мир и согла́сие, еже́ люби́ти Тебе́ Еди́наго И́стиннаго Бо́га и твори́ти во все́м во́лю Твою́, приле́жно мо́лимтися, Всеще́дрый Пода́телю благи́х, услы́ши и ско́ро поми́луй.
Молитва
Владыко Вседержителю, Святый Царю, наказуяй и не умерщляяй, утверждаяй низпадающия, и возводяй низверженныя, телесныя человеков скорби исправляй, молимся Тебе, Боже наш, рабов Твоих всех по злей человечестей воли во граде нашем невинно пострадавших, посети милостию Твоею, прости им всякое согрешение вольное и невольное, сродников их утеши и в любви Твоей сохрани. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся; буди врач рабов Твоих всех по злей человечестей воли во граде нашем невинно пострадавших, воздвигни их от одра болезненнаго, и от ложа озлобления целых и всесовершенных, даруй их Церкви Твоей благоугождающих и творящих волю Твою. Твое бо есть, еже миловать и спасать ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь. На литии:
Еще молимся о упокоении душ усопших рабов Божиих всех по злей человечестей воли во граде нашем невинно убиенных, и о еже проститися им всякому прегрешению, вольному же и невольному. перейти в каталог файлов
| Образовательный портал
Как узнать результаты егэ
Стихи про летний лагерь
3агадки для детей |